Sveskjusultu nota ég svo til eingöngu í hálfmánagerð fyrir jólin. Hálfmánar eiga að vera með heimagerðri sveskjusultu, engin málamiðlun þar. Uppskriftin kemur frá Svöfu móðurömmu og ég fékk hana hjá mömmu.
400 g steinlausar sveskjur
4 dl vatn
2 dl sykur
1 kanilstöng
Allt sett í pott og soðið saman við vægan hita þar til sveskjurnar eru farnar að missa formið aðeins. Getur þurft að bæta við vatni. Passa þarf að sjóða ekki of lengi, þá verður sultan seig. Ég sýð sultuna í u.þ.b. klukkutíma, hræri í öðru hverju. Í lokin helli ég sultunni í skál, fjarlægi kanilstöngina og mauka svo sultuna með töfrasprota.
Sultan geymist í ísskáp í einhverjar vikur.
Stína stússar 
1 athugasemd á “Sveskjusulta”